Sokol Zekaj

DHJETË VJET

Prej dhjetë vjetësh s’i kam shtuar

ndonjë raft bibliotekës sime

por librat që kanë qenë

i kanë mirëpritur librat e rinj

duke i prekur në sup

duke u hapur vend

duke ngushtuar veten

duke i mirëkuptuar si të ardhur

-dikush dhe i vonuar por jo për faj të tij-

i kanë marrë nën krahë

i kanë mbajtë në shpinë

qoftë dhe tue u përkulë nga pesha e tyre-

kështu si vitet që pata

kanë pritë vitet që më kanë ardhë.

Shtator 2021