LETRA DASHURIE
Ngjan se koha s’i ka prekur ato zarfe. Shkrimi
I bukur, i qartë i mamasë sime
Dhe shkrimi i pjerrët, i ngatërruar i babait
Flasin ende nga fletët e kaltra, të verdha, të bardha,
Flasin për dashurinë që dikur më lindi
Dhe që në gjakun tim vibron akoma
Dhe në gjakun e fëmijëve që kam pranë
Që s’janë të mitë e prapë janë të tillë,
Burbuqe flakë nga gjaku i vajzës tjetër
Që e pa dritën edhe ajo nga kjo dashuri.
Një karafil të bardhë e një të kuq
Në dorë mbaj. Aroma e ditës së sotme
Shkrihet me aromën e ditëve që fluturuan.
