Artur Spanjolli

KY MALLKIM I ËMBËL

Ky mallkim i ëmbël

Ushqim më është

Brengë që grin, triumf që ndrin

Ky hidhërim i vjetër

Koktel skëterrë, rënje, makth

Por edhe vizitë tempullit që

Nga thellësitë gjen dritë.

Kjo vrasje pa gjak harresë është

Sikur mbi hënë të shëtisnim

Bosh i madh vetmie ku

Fantazia bën kërrdinë.

Nuk je më e rrezikshme

Hatanë e bëre shekuj më parë, por ah

Se ky mallkim i ëmbël, mbijeton si klithmë

Rrënojash ku,

Sapo është zbuluar një thesar

Pas 2000 vjetësh.

Nuk vret më, as plagos, ike

Si kometa Halley, mbi rrëmujën që bëre

Qytete tê reja, më të bukura ndërtova

Edhe pse, si i droguari me të bukurën

Prap dëshiroj të kthehesh. Njëra gjysëm

Kundër gjysmës tjetër është brenda meje

Ç demokraci nē parlamentin e T(r)urit!!

Se di, s jam i sigurtë, ky mallkim i ëmbël

Që me qeshjen akoma vret

Edhe pse 100 vjet kanë kaluar.

Kjo zi madhështore, darkë e fundit

Hyjnorja mëkat, gjak dhe spermë

Dhe lot e klithje. Oh Jo!!!

Kupën do t ja pij këtij mallkimi hyjnor.