Drita Osmani

RRUGËTIM

Më në fund edhe Godoja u kthye.

Trokiti vonë në derën time.

“Mos e prit atë më asnjëherë, ia behu!”

Po vije era pluhur

çuar nga kuajt që vrapuan kalldrëmes.

Sigurisht që  edhe ai do vij.

Do të kthehet.

Jam e sigurt se do të vijë edhe ai sonte.

Me agun e parë, e me hapin e vrapit të parë.

 …

Ai nuk erdhi.

As me agun e as me muzgun e parë.

Vazhdoj rrugëtimin me kalorësit e Apokalipsës.