Ernest Koliqi

MALL E MËRZI…

(Kujtim i nji mbramjeje shkodrane kushtue mikut Karl Gurakuqi)

Djath e presh, buk’kallamoqe

meze e mirë për terjaqi,

Kjo rakia aman sa shoqe

ngushulluese asht në zymti…

Rrshet mbi barë nji rreze hane

lehtas gjetht dridhen n’puhi

me za t’marrun nji qemane

ambël fshan diku n’kojshi

Shum kërkova e s’mund e gjeta

kërkund n’botë t’bardhën lumni

s’u kujtove ti, Ernest-shkreta,

se e ke pasë mbrenda n’avllì

N’avllì t’nji shpisë shkodrane

n’kopshtin tand tue pi raki

me shpirt t’knaqun m’sa ‘i qemane

ambël fshante n’largësi…