TI…
Ti je diçka përtej meje
Diçka përtej dritës që vjen e ma thyen errësirën
(Hapur i mbaj krahët)
Si flamingot që sivjet zbritën në Lagunën e Vainit ..
e në majë gishtash improvizuan piruete malli
Ti je përtej muzës
Diçka përtej fantazisë që më mban zgjuar
(Mbi shpinë ngarkoj vetminë)
Si karvanë ciganësh që enden brigjeve të Drinit
e me thupra shprese thurin ditët
Ti je diçka përtej lëkurës..
Përtej fjalës
Përtej prekjes…
Përtej lutjeve
…..
…..
…….
……
Je frymë
